إسأل صح

النهاردة أنا بكتب ليكم يا أيها القراء الكرام ياللي هتعانو من مواضيعي الغريبة والعجيبية في موضوع يمكن كلنا بنواجه بس مش حسين بيه لإننا يمكن إتعودنا عليه،
يمكن يقول البعض منكم الموضوع ده ملهوش أهمية بس في رأيي الشخصي والمتواضع والبسيط جدا إن الموضوع ده من الموضوعات اللي لازم نحطلها حدود في حياتنا سواء مع أهلنا أو مع اصحابنا على حد السواء.
يعني إيه إسئل صح؟؟
موضوع غريب شوية مش كده؟
أنا بإختصار من الناس اللي بيدعوا إن السؤال يكون بهدف ....يعني إيه بهدف؟؟
يعني يكون ليه مردود شخصي عليا....
هديكو مثال بسيط جدا
لما بتيجي خارج من البيت طبعا الوالد لازم يسألك السؤال المعتاد اللي بيسأله أي أب لإبنه في الزمن ده أو حتى لبنته بس
بلاش نتطرق للبنت لإن البنت ليها ((حوار )) تاني خالص ،المهم..طبعا الوالد بيجي يسألك ((إنت خارج كده إن شاء الله رايح على فين يا ......(إسمك طبعا)وخارج مع مين ؟؟
أنا اللي عاوز أعرفه ؟لو الوالد ميعرفش أصحابك بيسئل ليه؟
لو عارف اصحابك ماشي
علشان بردو لازم يطمن على إبنه لكن لما ييجي يسئل على المكان ده بقى اللي انا بسميه فضول ...ليه يا ترى إسمه فضول ؟؟؟علشان بكل بساطة السؤال ده إجابته مش هتفيده بأي حاااااااااجة تذكر.
طيب سيبك من الوالد الكريم وندخل على أصحابك
ساعات الفضول بيقتل الواحد ...بيقى هيمووووووت ويعرف اللي عاوز يعرفه لمجرد إنه يرضي فضوله ويملأه قبل ما يموت من فير ما يعرف المعلومة ...لأ والمصيبة غيه إن المعلومة دي مفاديتوش بأي حاجة
يعني ممكن بعد خمس ثواني ينسى هوا كان بيسأل على إيه؟؟
حاجة غريبة وعجيبة ....
من خلال المقال البسيط ده أنا بدعو كل واحد يحاول يسأل سؤال هيفيده بحاجة وفي نفس الوقت اللي قدامه ميحسش إنك بتتطفل عليه وعاوز تعرف وخلاص .......................
وشكرا لقرائتكم المقال ده
وطبعا تعليقاتكم مرحب بيها جدا
إسلام فتحي